اللقاء الرابع .... وتفعيل العمل التطوعي

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته


تقدمـــــــــــــــــــــة

قال رسول الله صلي الله عليه وسلم" الخير فيَّ وفي أمتي إلى يوم الدين "
الحمـــــــــــــد لله...........أول الغيث قطرة
ها هو جارنا قد قرع الجرس اليوم السبت 22/11/08
وبدأ يشرع بتحسين منظر حوشه الخاص لوحده

وهيك كل واحد حيشوف حارة أو حوش جيرانه تحسنت
وتم عمل صيانة وتجميل لها أكيد سيغار وكمان جيرانه" زبطو حوشهم وصدقوني
وبهذا الأسلوب مع عامل القدوة بتم التحفيز والتسابق لتفعيل العمل التطوعي ولو كل لنفسة
لأن مظهر حارة جيراني تسرني وتشرح صدري

*************
أكيد حتكون عدوى تماماً مثل عدوى تزيين قرانا ومدننا في رمضان
ما شاء الله تبارك الله ما أحلى مثل هذه العدوى فهل من مزيـــــــــــــــــــد

بدنا حركة ونشاط يا زيد وزياد وزايد وعايد وسامر وسمارة
وحسن وحسين ومحمد وأحمد ومحمــــــــــــــود وشطارة

وكمان حَسنة وحِسِن وحَسَنية وحُسنِيَّة وحوريـة وزهـرة وتمارا
.وخولة وخديجة وجميلة وجارتها ســـــــارة وتمارا هالنوارة

وهيك إذا كل واحد بزبط حارته وحوالين بيته وحوشة

كل واحد بيقدر يقول حارتنا أحلى حارة

وما ينساش كل واحد فيكم يعمل صندوق للخبز وجهه من الشَبَك وحجمه كبير
من شان وضع الخبز الفائض فيه بدل رميه في حاوية القاذورات
أكيد أنا قاعد بعمل صُوَر لحارتي قبل وبعد من شان تشوفوا الفرق
وأكيد بعون الله سأعرضها في لقاء لاحق

وهيك أنا بقول حارتي أحسن حارة وأنظف كمان وهذا من حقي
بس بتمنى كل واحد من حقه يقول تعالوا شوفوا حارتي هي أحلى حارة في هالبلد
وأجملها وهيك بتصير قرانا ومدننا نظيفة

أستدرك ولا مِنّةَ على أحـــــــــــــد
الحمد لله أنجزنا صيانة الحوش عندنا وعملنا مقاعد ثابتة تسع لـ 60 شخص
غير الكراسي المتحركة وعملنا منصة ولوج كمان ولِسَّـــة سيتبع خطوات قادمة بعون الله
تمديد كهرباء وحنفية إطفاء وبرابيج ماء خاصة للتنظيف وشادرمظلة للمناسبات
وكل هذا بجهود أهل الحارة وهذا ما كلفنا حتى الأن كثير لأن الكل إشتغل بيده
حفر وقص وجبالة وتبليط وبناء وقصارة وما يخفى عليكم
والكل دفع والكل شارك لشراء المواد اللازمة وتابع ليل نهار

وهيك بدي منكم حركة لأن في الحركة بركة والشيطان مع الفرد ومن الإثنان أبعد
ويد الله مع الجماعــــــــــــــــــــــــــــــــــــــــــة

*****************
الســــــــــــــؤال

هل مَن تكلم منكم على الأقل حول وجود نية للشروع بتحسين منظر حارته أو حوشه
؟" أكيد في هناك حارات جميلة ومرتبة وما في شك بس بدنا نحسن أكثر وخاصة الإضاءة

الطلـــــــــــــب

إذا قمت بالتفكير لتشرع بعمل تطوعي لحارتك أو أنجزت عمل صندوع وعلقته في حارتك
أطلب منك متابعته والتعميم على بيوت جيرانك أينام كنت وحيثما حللت أن يضعوا الخبز فيه لوحده
مش مع الكيس من شان يضربه الهواء ويجف وما يعفن
وغير هيك ما بنستفيد الله يكرمكم وأجرنا وأجركم على الله

وجهـــــة النظـــــــــــر

ها شو تقييمكم للموضوع هل المسألة صعبة وشاقة أم ماذا ؟
بدنا نسمع وجهات نظركم وتفعيلها كمان في بلدكم وموقعكم
أحبتي باشروا بتحسين حاراتكم وكل واحد ما بيدفع أتركوه وادفعوا عنه
واعتبروها صدقة جارية عنكم وهيك المصلحة ما بتتعطل

المهم مين يعلق الجرس هذه وجهة نظرنا وطبقناها ونجحت والحمد لله
وأكيد في عدد رفض وهذا واقعنا الجميع ولكن لما باشرنا دفعوا واشتغلوا معانا

*************************
وإلى أن نلتقي معكم واللقاء الخامس